في الغالب أي نزاع سياسي عسكري بيكون شغال معاه بالتوازي Cyber Warfare أو Cyber Proxy War وهي الحرب السيبرانية.
وهذا النوع من الحروب مش بيكون حصري علي طرفين النزاع دي بيشارك فيها كل الـ Hacking Groups الي منحازة للطرفين.
الـ Proxy War هذه المرة مقسوم 3 أقسام وهم
01- Pro-israel Groups
02- Anti-Iran Groups
03- Pro-Iran Groups
——————————————————–
01- Pro-israel Groups: وعددهم 6 مجموعات وهم
– Garuna ops
-Eagle7
– NPFN
– Lefaroll
– Predatory Sparrow
– Israeli Gladiator
هذه المجموعات ليست بقوة المجموعات الثانية من Proxy War
02- Anti-Iran Groups: دول مش مع الكيان لكن داخلين الحرب علشان مش بيحبو فارس، وفيم مجموعات قوية مثل
– Syrian Electronic Army
– Islamic Cyber Army
03- Pro-Iran Groups: وعددهم أكثر من 60 مجموعة، أهم هذه المجموعات
– Handala Group – دي مهمه جدًا
– GhostSec
– Killnet
– Sylhet Gang-SG
——————————————————–
خلال الـ 72 ساعة اللي فاتت Handala Group تابع لفارس عاملين حرب قوية جداً ضد الكيان، بداية من يوم 14 يونيو 2025 حيث أعلنت على موقعها الرسمي وعلى TG Channel الخاصة بهم عن أختراق 2 من أهم شركات الكيان وهم Delkol و Delek
.
دول أكبر شركتين طاقة وبترول مسؤولين عن الانتاج و التوزيع و اختراقهم معناه اختراق نظام الطاقة و البترول بالكامل
وقتها صرح الـ CEO لشركة Delek واسمه Idan Wallace ان الاختراق بسيط كل الي اتاخد مجموعة من Documents القديمة.
في حين أن Handala Group نشرت على موقعهم وقناتهم أكثر من 300 ألف وثيقة سرية للشركتين تواريخهم تعود للسنة 2025
وفي حين أنها نشرت بيانات خاصة بحسابات بنوك الشركتين و طرق التوزيع و الموردين و كل ما يخص عمليات انتاج الوقود سواء غاز او بترول بالاسامي و الاماكن و الارقام.
في نفس يوم 14 يونيو اعلنت Handala Group اختراق أقوى من الاختراق السابق، وهو اختراق شركة Aerodreams وهذه مجموعة شركات من شركات جيش الدفاع وأهم المسؤولين عن التالي.
– الطيران الحربي و العسكري.
– مسؤولة عن برامج الدرونز الي الجيش بيستخدمها.
– مسؤولة عن تدريب الطيراين.
بمعنن أنه أي صاروخ بينزل من السما علي الكيان، هذه الشركة من اهم المسؤولين عنه و قدروا يسربوا 400 جيجا من الشركة و كتبوا ان نشر الداتا هيبقي قريب.
في نفس يوم 14 يونيو اعلنت Handala Group اختراق Y.G New Idan و دي واحدة من اهم شركات وزارة الحرب دي الشركة المسؤولة عن تصميم و بناء القواعد العسكرية الخاصة بجيش الدفاع و قدروا يسربوا منها 339 جيجا من التصميمات الداخلية للقواعد العسكرية و بيانات ال internal systems برضو و قالوا انهم هينشروا التسريب قريب.
في نفس يوم 14 يونيو اعلنت Handala Group اختراق 099 ISP و دة واحد من الـ ISPs المتوسطين لكن عملوا حركة في منتهى الزكاء وهي انهم مسحبوش منه داتا، لكن أرسلو 150 ألف Public Warning Emails للناس كلها من سيرفرات الشركة بيحذروهم فيها يسيبوا بيوتهم و يهربوا منها
وهذه الحركة الغرض منها ليس الاختراق نفسه علي اد ما الغرض منها الـ Show off.
أمس صباحًا اعلنت Handala Group اختراق TBN Israel وهذه واحدة من اهم شركات الميديا الي بيستخدموها لتزيف الحقائق و انهم يطلعوا يظهروا للرأي العام ان هما الضحايا و عندهم برنامج كامل اسمه Israel under fire بيظهروا فيه اد ايه انهم مستضعفين في المنطقة، وقدروا يسحبوا من الشركة 542 جيجا من ملفاتها و من الحلقات المتصورة قبل حتي المونتاج و نشروا 8 جيجا من كواليس تصوير الحلقات و هينشروا الباقي قريب.
في الحقيقة دي مش اول مرة Handala Group يدوسوا علي وش الكيان، الجروب دة بالذات من اول ما ظهر و هما ماسحين بيهم الارض يعني ف فبراير الي فات بالتحديد يوم 9 فبراير اعلنت Handala Group اختراق الشرطة بالكامل و تسريب منه 2.1 تيرا و نشروا جزء كبير من الداتا الي كان فيها نوع التسليح و معلومات شخصية عن الظباط و العساكر و كمية التسليح و التمركزات المُعلنة و الغير مُعلنة و حاجات تانية كتير.
دا غير ان قبلها بـ اسبوعين يوم 29 يناير 2025 اعلنت Handala Group اختراق وزارة الامن القومي و سحبوا منها حوالي 4 تيرا من كل انواع الداتا بقي مش بس كدة دول عملوا اكتر حركة صايعة اخترقوا ال Integrated Management system و ذاعوا الـ Red Alert في الشوارع و دة انذار ب اي هجمات عسكرية خلي الناس تجري تستخبي في ال shelters و راحت من السيستم قفلت باب ال shelters علي الناس و راحوا عاملين Wipe لكتير من السيستمز الي جوة و احلي لقطة بقي انهم سيطروا علي السيستم الي بيعمل Broadcast لأجهزة الظباط و ذاعوا فيه “خيبر خيبر يا يهود”.
الموضوع دة كان قالب الدنيا وقتها ف يناير و للأسف محدش اتكلم عنه.
بعد كل دة فيه معلومة بسيطة الكيان مش واخد باله منها الا و ان ايران واحدة من اكبر 5 دول علي مستوي العالم عندها APT Groups و دول لسة مدخلوش الحرب دلوقتي يعني لسة Muddy Water و OilRig و APT 35 و APT 39 و كل ال Kittens بقي Fox Kitten و Charming Kittens و Domestic Kittens و Flying Kittens و كل العصابة دول لسة معمولش حاجة ايران دلوقتي سايبة بس عيالها الصغيرين هما الي يلعبوا و لو دة لعب العيال الصغيرين ف الي جاي هيبقي تمام اوي….الحقيقة ف كل Cyber Warfare او كل Proxy War بتثبت مدي حجم اكذوبة انهم غير قابلين للاختراق و ان اه صحيح هما من اكتر 3 دول في العالم عندهم شركات Cyber Security من Vendors لـ Service Providers بس في الحقيقة خيش علي مفيش….سواء الي حصل من يوم 7 اكتوبر لحد دلوقتي و دة كان كوم و الي هيحصل من دلوقتي لبعد كدة كوم تاني خالص.
و أخيراً، ربنا يديم علينا نعمة الستر و ميديمهاش عليهم.
كتب المقال: م عز جابر
أعمل كمهندس تكنولوجيا معلومات منذ أكثر من 6 سنوات، وأسعى إلى الاستفادة من مهاراتي وخبراتي الإدارية والفنية لتطوير حياتي المهنية في مجال تكنولوجيا المعلومات
– البريد الإلكتروني: info@ezzgaber.com
– رقم الموبايل “مصر” : 00201099833214
– رقم الجوال “السعودية” : 0966542133293